|| عُمْر فَرْحِي مَا كِبِرْ ||

 



ياقلب
لـ وين رايح
بأي الدروب ..!
حتى أفراحي غفت
نامت بـ حضن الجفا
وين الحب ليه لي ما صفا
و جرحي صحى
خابت ظنوني معك
والوقتّ عليّا قِسى



وانتظرتك
ع أبواب اللقا
وشعشع الصبح بـ حنين
يرسم القلب الحزين
وينك ياترى
إسكتت حتى المشاعر
في حضور حزن قاهر
وينك يالمسافر
بغيبتك الحزن صار حاضر
انكسر بغيابك كل خاطر
ولفّها جو مخنوق بـ آهـ
وين كنت و وين صرت
الحروف صابها حالة سكوت
والصوت ما عاد هو بـ صوت
وووو صمت كساني وكساها




واحتضنت الدمع فيني
راحت أيامي وسنيني
وينك أمس واليوم ويني
والحكي تايه حزين
شف الهم على وجهي يبين
والوجوه هي نفسها
نفس الوجوه
والدروب هي ذاتها
دون فرقٍ وإختلاف
وإختفى كل إئتلاف
من كل شي صرت أخاف
والوصل مبتور بتر
ياهمّ خذّني ترى
لفّني حالة ألم
كساني هم وندم
الجروح ياكثرها كم وكم
تدرون من يكون ..
صاحب القلب الحنون
صدقوني ما يخون ما يخون..!
دونه أفقد كِلِّ البشر
ما همني من غاب أو حضر
يكفي هو لا حضر



ليه كل الناس حولي
و أحس بـ جوٍّ كئيب
ليه أحس الدنيا دونه
جحيمٍ وإنكسار
خذّني لمّ القبر خذّني
يمكن ينزاح التعب
وترجع البسمه معي
تنولد فرحة عمر
عمر فرحي ماكبر
توه صغير
توه صغير





ياقلب
تكفى لا تنتظر لا تنتظر
إرمي كل الحزن عنّك
إقتل الماضي الأليم
وادفن دنيا الجحيم
وانتشلني مثل طفلٍ
كانت أيامه حزينه
إنولد طفلٍ يتيم ..
وعاش من الفرح شخصٍ عقيم
إزرعني وردة زاهيه
دون ملامح ذابله
ما أبيها لحظه عابره
ولا بسمه ..بالدنيا مسافره
أبي لحظه تدوم
ما هي مثل الغيوم
تجي وترحل بيوم
لا تنتظر..



يا حب
حملتك رغم الشقا
حملتك قبل أنولد
لكن أفا
ليه الجفا
وين الوفا
الحب وما صفى
وهمي لفى
ضاع الدفا
كفاني كفى
ياحب..!
غدرت بي
أنهيتني
وسط المعمعه ضيعتني
لا تحمّلت ثقل حزني
ولا أرضيت غرور فرحي
وإنتهيت
وإنتهى كل الحكي
ماعاد بـ شرفتي عصفورتي
طارت
بعد التعب
راحت بعد العتب
همٍ عليها انكتب
تعبت بكي
تعبت حكي
وتلون دمعها بلونٍ ليلكِ
وخفوقها يحتضر
لانبض
لاهمس
ولاسكن
وتقفّلت أبواب الوطن
حالي غَدَاْ
شِبْهِ حال ..عصفورتي
حبسني جسد
بـ الحب قيّدني ورحل
والمشاعر سافرت
لحدود نسيانه وأبعد بعد
أكثر كثير..




محتاجه لـ
أنفاسك وعطرك
دوْزَنَتْ حتى إشتياقي
بعثرت روحي وذاتي
بس أبيك
والله أبيك
رغم إلِّي حصل
رغم إنك قاتلي
إعتبرتك فاضلي
كسرت بخاطري
وأنا أبيك والله أبيك
مازلت أتنفسك
أتحسسك
لمّا تضيق الدنيا بك
أرسل أنفاسي أكسجين
لجل ماتختنق
لجل يبقى النور حيّ
ما عقب هذا الضي ضي
شمعةَ أيامي وعمري
ماتنطفي
تحترق لجلك وتضوي




صدْق إنْ البعد قاتل
يجرح حتّى المشاعر
يجعل الإحساس
ينكسر لو كان صابر
قالها البدر
إرفع جروحك عن تراب الخناجر...!
وينك يالمسافر
كل هذا من رحلت
مايهم مايهم إن أمْطَرَتْ
مني دموعٍ بائسه
أو صَرَخْتْ صرخه
يتيمه حائره
أو طاحت دمعه ثائره
بجمع أوتار صوتي
بحه أقداري الحزينه
بصرخ كفايه ..
عن غيابك إكتفيت
شفني بغيابك وفيت
ليه للحب ما صفيت
ليه ماعدنا ببالك
وليه ما فارقني خيالك
ليه طيفي مايزورك
وطيفك ياكثره بغيابك وحظورك
صوتي مايدق بابك
وصوتك لاغبت عن البال جابك
ماتبينا
وماتجينا
وإنت الِّي
سكنت كلِّي
من فقْدتك
من رحلت
لِبِسْتْ أسود
حتى المسا
يرتدي ثوب الحداد
ويرتجي قرب البعاد
يبكي معي
والغيم يشكي إحتياجه
الريح بعثر إشتياقه
أشعل الحنين بـ سراجه


 



وينك حبيبي
تعال مابي لحظة عتاب
أبي بس الجواب
وحب عن عيني ما يغاب
مابيها لحظة سراب
مثل غيثٍ يجي ويرحل
ويترك لنا العذاب
تعال مابقى فيني للغياب
تعال وما نبي لحظة عتاب
وينك حبيبي
ضيّعت كل الدروب
مابقالي غير أبكي
لحظه غيابك وفقْدك
لحظه فيها الفرحه ماتت
والله ماتت


.


حرر في 20-9-1431 هـ
مع قوافل الياسمين


 
 

|| و انهتْ لعنة غيابِكْ خطايَاكْ ||

... ♣♧♣ ...

.

.





.
.


و انهتْ لعنة غيابِكْ خطايَاكْ ..
اختنقت وينِك و اختنق حتى اجْدَارِي

و تْطُول بي أعناق صرخه بليَّاك
و يشهد تباريح الألم بـ انكساري

يِلْبَس الغيمْ الحزن ينتظر لقياك
و يشرق الصبح من الفرح عَارِي

يشتعل شوقي و ألملم بقاياك ..
و احضنه بداخل عيوني وداري

و انولد بي شوقٍ وشوقْ لـ أشياك
و شوقٍ لـ ضمَّه طال انتظاري

قلبي غَدَا صحرا جدبا بليَّاك
وينك حبيبي لجل تحيي أقطاري

أحيا بكْ و بـ وصل دنياك
ملَّني صبري و قلَّ اصطباري

تكبر الآه فيني وكلَّه من سواياك
من غبت عن عيني بَكَتْنِي أقداري

الحزن دوله شعبها أنا وطرياك
والهمِّ فيني تزاحم بعثر أفكاري

و أتوجَّس ويش آخر خفاياك
جف غصني وذبلت أزهاري

أخفيت بـ اسْمِ المشاعر نواياك
أفقدت روحي مَلْبَسْ نهاري

أسكنتني وسط صدرك وبـ حناياك
و اليوم غرفتي تشتكي جو ناري

ليل دامس بـ ضلوع زواياك
وقبرٍ يحتري لحظه إحتضاري


... ♣♧♣ ...

.

محاولة شِعْرِيَه ثانِيَه
كانت مُختبئه بين أدراج الأيَّام مع مُحاولتي الأولى
حتى لَفِظَتْهَا أدراجي حينْ إمتلاء
.


.


.

... ♣♧♣ ...