.........♣..........
♦ .. ♣ .. ♦
.
.
.
.
أفتَشْ عَنكْ بأشيائي..أبيكْ اليوم تِحْينّي ..
أفتشْ داخل أوراقِي وعيني تِحْتِضن صوره
رِواية حُبّ مَنْسِيَه أبحكِيْهَا .. وتِرْوِيْنِي ..
وأجمّعنِّي لجَِلْ أكْمِل حَكَايَا أحْلام مَحْفُوْرَه
أحَاكِي صُورِتَكْ وأسأل أعاتِبْ ما تِجَاوِبْنِّي..
واتسآئل قِدَرْ ينسى جُنُوْن الحُبّ وأسْطُوْرَه؟!
على بَالِي ملامِحْ صُوْرِتَك ..! تَنْطِقْ تِنَادِينِّي
وأثارِي دَفْتَرِي مَيّت بِحْرُوفٍ..! بِكْ منْثُورَه
ألاَّ يا وقْتِيَ الغَدَار..دُمُوْعِي اليُّوْم تَرْثِيْنِّي
بَقَايا أحْلام لا والله بَقَايا رُوْح مَكْسُوْرَه
وأتّرَنَمْ على أنْغَامِ الوَّجَع والآه سَاكِنِّي
بَقَايَا قَلْب مَجْرُوحٍ وحُلْمٍ إنْطِفَى نُوْرَه
شَايِل هَـ المسَا هَمٍ وبْحِزنَه يِغَطِيْنِّي
مِثِلْ طِفْلٍ فِقَدْ أُمَّه فِقَدْ حَتّى اشّعُوْرَه
مِثِلْ طِيْرٍ فِقَدْ عِشَّه وبَاتْ اللِّيْل وِحْدَانِّي
يِدَوِّرْ عَن وَطن يَحْضِنه وأمَانِيْه مَكْسُوْرَه
رَحَلتْ ومَابِقَى في الدّار سوى ذكرَى تِنَادِيني
ذبحْت القَلْب وهُوْ يِصْرَخْ دِفَنْتَه دَاخِل قبُوْرَه
وأَدّت الرُوْح بَأعْمَاقِي..! قِلِّي مِتَى تلاقِيْنِّي
طَعَنْت دَاخِلي بِهَجْرٍ ترانِّي حِيل مَقْهُوْرَه..
نزَفت الدَّمْع أنا لَجْلِك لِين الدَّمع جَافَانِّي
أبْتِسِّم وِكلّي عَذَاب وفَرْحِتي اليُّوْم مَبْتُوَره
كفَى يَا هَمَّ أبِي تِرْحَل وقِلَّه كِيْف يَبْكِيْنِّي
أبِي يِرْجَع يِلَمْلِمْنِّي عشان نكَمِلْ الصوره
.
.
محاولة شعريه أولى .. خرجت من العتمةِ لـ النور
7-5-1431 هـ
.
●...♣...●.... }